මුළු ලෝකයම ගෝලීයකරණයට හසුවීමත් සම`ග වර්තමාන ලෝකයම පොදු මාධ්‍ය සංස්කෘතියකට හසු වී හමාරය. කාලානුරූපීව මාධ්‍ය සංස්කෘතිය තුළ නව භෞතික සම්පත් රාශියක් සමාජයට එකතු වේ. පොත්පත් ,පුවත්පත්, රූපවාහිනි, ගුවන්විදුලි මෙන්ම සිනමාව, වීඩියෝ පට, සංයුක්ත තැටි ආදි රැුසක් සමාජයට එක්විය. එමෙන්ම නව චර්යාධර්මයන්ද ජීවන රටාවේ වෙනස්කම් රැුසක්ද සිදු විය. මෙලෙස සමාජය නවීකරණය වෙමින් ඉදිරියට යාමත් සම`ග පාරම්පරිකව තොරතුරු හා විනෝදය ලබා ගැනීමේ ක‍්‍රමයන් වෙනුවට මාධ්‍ය භාවිත කරනු ලැබීය. උදාහරණ වශයෙන්
- අතීතයේ විඩාව, කාන්සිය ම`ගහරවා ගැනීමට ගීත ගායනය වෙනුවට අද ජනමාධ්‍ය තුළින් නව ගීත ඇසීම.
- අතීතයේ අණබෙරකරුවන්ගෙන් දැනගත් තොරතුරු අද ජනමාධ්‍යයෙන් දැන ගැනීම.
ආදිය දැක්විය හැකිය. මේ අනුව මාධ්‍ය සංස්කෘතිය කෙරෙහි තාක්ෂණය බෙහෙවින් ඉවහල් විය. ප‍්‍රථමයෙන් පිටපත්කරණය ස`දහා මුද්‍රණ යන්ත‍්‍රය සොයා ගැනීම ජනමාධ්‍යයේ මූලාරම්භයයි. ඉන්පසු පුවත්පත, ගුවන්විදුලිය, සිනමාව මෙන්ම රූපවාහිනිය බිහිවිය. අද වනවිට ලොවම ඒකාබද්ධ වූ නවමු තත්වය නව මාධ්‍යයයි. තාක්ෂණික දියුණුවේ අග‍්‍රගණ්‍ය ප‍්‍රතිඵලය ලෙස නව මාධ්‍යය බිහි වීම හැ`දින්විය හැකිය.
සිනමාව යනු සංස්කෘතිකමය මානව කෘතියක් මෙන්ම තවත් එක් විනෝදස්වාදය සපයන කලාත්මක මාධ්‍යයකි.
සිනමාව ලොවට බිහිවීම යනු අහඹු සිද්ධියක් හෝ හදිසි සිද්ධියක් නොවේ. එය විවිධ නිර්මාණශීලි පර්යේෂකයන් විසින් දිගු කලක් තිස්සේ කරන ලද පර්යේෂණ වල ප‍්‍රතිඵලයකි. සිනමාවේ බිහිවීම නිසා ජන සමාජයේ රස වින්දනය පිළිබ`ද තිබූ සාම්ප‍්‍රදායික සීමාවන් බැහැර විය. එය ජනයාට අපූර්ව ආස්වාදයක් ලබා දෙන්නට සමත් විය. එපමණක් නොව සමාජයේ හැසිරීම් රටාව වෙනස් කිරීමට සිනමාවට හැකිවිය. මූලික වශයෙන් සිනමාව තුළින් සිදු කරන්නේ නව සමාජ අර්ථකථනයකින් මානව සංජානනය ප‍්‍රසාරණය කිරීමකි.
ගතවී ගිය වකවානුව පුරාම විවිධාකාර හැඩගැසීම්වලට හා අර්ථ දැක්වීම්වලට බ`දුන් වූ චිත‍්‍රපටය වූ කලී මිනිසාගේ චින්තන ශක්්තිය තුළින් ගොඩන`ගා ගත් අපූර්ව වූත්, සුවිශේෂි වූත්, කලා නිර්මාණයක් ලෙසින් සැලකිය හැකිය. ආයාසයකින් තොරව මිනිස් මනස වෙතට සමීප වීමට ඇති හැකියාවත් අන් කලාවන්ට වඩා මිනිසා වෙත කළ හැකි බලපෑම චිත‍්‍රපටයේ වඩාත් ප‍්‍රබලය. චිත‍්‍රපටය යනු සජීවී කලා මාධ්‍යයක් වන හෙයින් අන් කලා මාධ්‍යයන් අභිබවා ඉස්මතු වී පෙනෙන ස්ථාවරයකට නිතැතින්ම පත්වේ.
තාක්ෂණයේ තවත් ඉදිරි පියවරක් ලෙස නව මාධ්‍ය බිහි වීමත් සම`ග විකල්ප රසවින්දන මාධ්‍ය රැුසක් වෙත පිවිසීමට මිනිසාට අවස්ථාව උදා වන්නට විය. එය සිනමා කර්මාන්තයට දැඩි අභියෝගයක් විය. නව මාධ්‍යයේ අපූර්ව සොයා ගැනීමක් වන අන්තර්ජාලය තුළින් අදවන විට ඉතා පහසුවෙන් චිත‍්‍රපට නැරඹීමට අවස්ථාව සැලසී ඇත. එමෙන්ම ඩිජිටල් සංගත තැටි ද වත්මන් සිනමාවට ප‍්‍රබල අර්බුදයකි. මෙලෙස ඉතා පහසු මිලට මෙන්ම නිවසේ සිටම චිත‍්‍රපට නැරඹීමට අවස්ථාව උදා හේතුවෙන් මිනිසුන් සිනමාශාලා වෙත යෑම බෙහෙවින් සීමා වී ඇති අතර මේ හේතුවෙන් සිනමාවේ ආර්ථිකය පටු වේ. අදවන විට අතේ ඇති ජංගම දුරකථනයෙන් වුවද චිත‍්‍රපටයක් නැරඹීමට හැකි තරම් තාක්ෂණය පුළුල් වී තිබේ.
නිර්මාණකරුවන් චිත‍්‍රපට නිෂ්පාදනයට යොමු වීම සීමා වීමත් කලාත්මක සිනමා කෘතියක් නිර්මාණයට වඩා වානිජ පරමාර්ථයන් මුදුන්පත් කරගනිමින් චිත‍්‍රපට නිර්මාණය කෙරෙහි බොහෝ කලාකරුවන් පෙළඹී සිටී. ලාංකික සිනමාවේ ඉතිහාසය දෙස බැලීමේදී පෙනී යන්නේ විද්‍යුත් තාක්ෂණික මෙවලම් පාරිභෝගිකයා අතට පත් වීමට පෙර සිනමාව වැජඹුණු ස්ථානය කරා නැවත ළ`ගා වීම ඉතා අපහසු කාර්යයකි. සිනමාව බහුජන මාධ්‍යය අතර තවත් එක් විකල්ප මාධ්‍යයක් බවට පරිවර්තනය වී අවසන්ය. එබැවින් ශීඝ‍්‍රයෙන් ව්‍යාප්ත වන නව මාධ්‍ය හමුවේ සිනමා කර්මාන්තය ආර්ථික වශයෙන් රැුකගැනීම යුගයේ අවශ්‍යතාවයක් බවට පත්ව ඇත.
No comments:
Post a Comment